Linkedin Youtube
Тендери

Одржливост

Одржливоста ја третираме како збир на конкретни одговорности, а не само како декларативни заложби. Нашиот фокус е насочен кон управување со влијанијата врз животната средина, обезбедување безбедни услови за работа и донесување одлуки на транспарентен начин, во согласност со законските и корпоративните барања.
Преку споделување на податоци, активна комуникација со засегнатите страни и примена на јасни стандарди за управување, работиме на препознавање и управување со ризиците, исполнување на нашите обврски и поддршка на долгорочна стабилност во средините во кои делуваме.

Заштита на животната средина

Применуваме утврдени индустриски практики за управување со влијанијата врз животната средина и одговорно користење на природните ресурси.  Фокусот е на конкретни мерки и активности што придонесуваат за намалување на влијанието и континуирано подобрување на еколошките перформанси. Клучните активности вклучуваат:

Квалитет на воздух и контрола на прашина

Покриените транспортни ленти, контролираното движење на возилата, како и системите за навлажнување и отпрашување и мерките за сузбивање на прапина придонесуваат за намалување на честичките во воздухот при производство и транспорт на материјал. Емисиите во воздухот се следат редовно преку мерни точки и мониторинг системи, во согласност со важечките еколошки дозволи и стандарди.

Користење и рециклирање на вода

Водата што се користи во флотацискиот процес континуирано се рециклира со цел да се намали вкупната потрошувачка и да се заштитат локалните водни ресурси. Квалитетот на површинските и подземните води се следи редовно преку утврдени мерни точки и мониторинг системи, во согласност со дозволените гранични вредности и условите од дозволата.

Управување со отпад и јаловина

Рударскиот отпад и јаловината се управуваат во согласност со регулаторните барања, инженерските стандарди и интерните процедури, со цел обезбедување безбедно и одговорно работење. Хидројаловиштето е предмет на континуиран мониторинг, контрола на стабилноста и редовни геотехнички инспекции за заштита на животната средина и безбедноста.

Мониторинг на почва и земјиште

Мониторинг на почва и земјиште: Квалитетот на почвата и состојбата на земјиштето околу оперативните подрачја периодично се следат со цел навремено идентификување на потенцијални влијанија и поддршка на активностите за рекултивација и заштита на животната средина.

Контрола на бучава и вибрации

Нивото на бучава и вибрациите од рударските активности редовно се мониторираат со цел обезбедување усогласеност со дозволените вредности и минимизирање на влијанијата врз животната средина и околината.

Еколошки иницијативи во заедницата

Поддржуваме и реализираме еколошки активности насочени кон заштита и унапредување на животната средина, преку соработка со институции, организации и граѓани. Преку практични активности на терен придонесуваме кон создавање почиста, поуредена и поодржлива средина.

Општествена одговорност

Заедниците во кои работиме претставуваат важен дел од нашето долгорочно работење и развој. Нашите општествени активности се реализираат во соработка со локални институции, организации и претставници на заедницата, со фокус на области каде поддршката може да придонесе кон подобри услови за живот, инклузија и одржлив локален развој. Активностите се спроведуваат согласно интерни процедури кои обезбедуваат транспарентност, еднаков пристап и одговорно носење одлуки.

Здравје и благосостојба на заедницата

Поддржуваме иницијативи насочени кон унапредување на јавното здравје, подобрување на условите за живот и поддршка на локални здравствени институции и активности.

Образование и
развој на младите

Поддржуваме училишта, ученици и образовни програми преку обезбедување материјали, стипендии и активности кои придонесуваат кон развој на знаења, вештини и еднакви можности за младите.

Социјална инклузија и еднаков пристап

Соработуваме со локални организации и институции за поддршка на ранливи категории граѓани и поттикнување еднаков пристап до општествените иницијативи и можности.

Млади и спорт

Поддржуваме спортски клубови, училишни спортски активности и локални настани кои поттикнуваат активен и здрав начин на живот кај младите.

Поддршка на локалната инфраструктура

Обезбедуваме поддршка преку донација на материјали, опрема и техничка помош за подобрување на локална инфраструктура и објекти од јавен интерес.

Култура и локални традиции

Поддржуваме локални културни, општествени и традиционални настани кои придонесуваат кон поврзување на заедницата и зачувување на локалните вредности.

Управување и усогласеност

Одговорното корпоративно управување претставува основа за доследно, законито и одговорно носење одлуки во секојдневното работење. Применуваме структуриран систем на управување поддржан со јасно дефинирани политики, одговорности и процедури, со цел обезбедување транспарентност, усогласеност со законските и корпоративните барања и конзистентно управување со ризиците.

01.

Нашите политики и процедури се усогласени со националното законодавство, релевантните европски регулативи, меѓународните стандарди и интерните корпоративни барања.

02.

Оперативните, финансиските и ESG информации ги објавуваме транспарентно и навремено, во согласност со добрите индустриски практики и принципите на одговорно известување.

03.

Вработените, изведувачите и надворешните засегнати страни имаат пристап до канали за пријавување неправилности, прашања поврзани со усогласеност и доверливо пријавување преку whistleblowing механизми.

04.

Вработените, изведувачите и надворешните засегнати страни имаат пристап до канали за пријавување неправилности, прашања поврзани со усогласеност и доверливо пријавување преку whistleblowing механизми.

ISO сертификати

„Компанијата одржува ISO 9001, ISO 14001 и ISO 45001 сертификати за управување со квалитет, животна средина и безбедност и здравје при работа.“

Кодекс на однесување

Нашиот Кодекс на однесување ги дефинира принципите и стандардите што ги очекуваме од вработените, деловните партнери и соработниците, во согласност со добрите меѓународни практики за етика, интегритет и почитување на човековите права. Континуирано работиме на унапредување на одговорното, транспарентно и етичко работење.

Еколошки дозволи и усогласеност

Работењето се одвива согласно А-интегрираната еколошка дозвола и важечките законски барања, при што континуирано работиме на подобрување на еколошките перформанси и одговорно управување со влијанијата врз животната средина.

Механизми за поплакии и пријавување неправилности

Обезбедени се јасно дефинирани канали за поднесување поплаки и пријавување неправилности. Сите пријави се разгледуваат објективно и се обработуваат согласно воспоставени процедури кои обезбедуваат доверливост, правичност и одговорно постапување
Приговори
Неправилности

Донации и спонзорства

Обезбедуваме поддршка за иницијативи од јавен интерес преку транспарентен и јасно дефиниран процес за донации и спонзорства. Организациите и институциите можат да поднесат барања согласно утврдените критериуми и интерни процедури.

Како да аплицирате:

Упатства

Барањата за донации и спонзорства се поднесуваат во согласност со критериумите и насоките утврдени во интерните процедури на компанијата.

тука

Формулар за аплицирање

Официјалниот формулар за поднесување барање за донација или спонзорство е достапен на нашата веб-страница.
тука

Сите барања се разгледуваат врз основа на објективни и документирани критериуми, со цел обезбедување правичен, транспарентен и одговорен процес на одлучување.

Посветеност на интегритетот

Работиме согласно систем на усогласеност кој поддржува законито, етичко и транспарентно работење. Преку јасно дефинирани политики, процедури и канали за пријавување, обезбедуваме одговорно носење одлуки и доследно почитување на корпоративните и законските обврски.

Дознајте повеќе за начинот на кој го одржуваме интегритетот во секојдневното работење.

дОКУМЕНТИ